Delhi Acers an chak ve ta

2016 Premier Bad-minton League (PBL)-a an match hmasa pahniha an tlawm hnuah Delhi Acers chuan chakni hmel an hmu ve ta, Ningani zan khan Hyderabad Hunters chu 4-1 in an hneh.

Delhi Acers hian an match hmasa pahnihah Awadhe Warriors leh Chennai Smashers chu 3-2 ve vein an hneh lo a, Delhi hmunah erawh thil a danglam ta a ni.

Hyderabad Hunters tan Olympic silver medal vawi hnih lo dawng tawh Lee Chong Wei a la che fuh thei lo a, Tommy Sugiarto lakah 9-15, 15-10, 15-14 in a tlawm. Malaysia shuttler Chong Wei hian a match hmasa zawkah Bengaluru Top Guns shuttler Kidambi Srikanth a lo hneh lo tawh bawk.

Delhi Acers tan Rajiv Ouseph chuan Mens Single-ah beisei loh takin Delhi Commonwealth Games silver medallist Parupalli Kashyap chu 15-9, 15-10 in a hneh a ni.