Everton-ah striker thar

Everton chuan Swit-zerland striker Shani Tarashaj chu Grasshoppers Zurich aṭangin pound maktaduai thumin an la lut a, Swiss Under-21 stri-ker hian kum li leh a chanve cham turin Goodison Park hi a pan.

Kum 21-a upa Ta-ra-shaj hian Swiss Su-per League club Gras-shoppers tan hian tun season-ah match 18 a khelh aṭangin goal riat a khung.

Toffees manager Ro-berto Martinez chuan, "Shani hian Swiss football-ah a theihna san zia a pholang tawh a, a kum la tlem deuh mah se inrintawkna sang tak nen khelmual chhungah hun a hmang tawh ṭhin. Player hmasawn thei leh hmasawn tur lak khawm hi a pawimawh," a ti.

Martinez chuan a pla-yer duhlai pahnih Romelu Lukaku leh John Stones chungchang pawh sawiin, "Ka player ṭha te chhuah tir ka duh lo a, season thar-ah Champions League kan khelh phak loh chuan an chhuak dawn tih thuthang awm mek pawh hi thu belhchian dawl lo a ni," a ti. Manchester United leh Chelsea chuan Everton player pahnih hi lakluh tumin an lo hel ve reng a ni.

Everton hian January transfer chhungin de-fender Matthew Foulds an lo la lut tawh bawk.