LA Galaxy leh De Jong an inhnimhnai

9th January, 2016

Major League Soccer club Los Angeles Galaxy chuan AC Milan midfielder Nigel de Jong lakluh tumin an rim mek. LA Galaxy hian an midfielder Juninho chu Mexican club Club Tijuana lama an hralh avangin a thlaktu turin De Jong hi an duh a ni.

Kum 31-a upa midfielder hian Italian club Milan-ah hian beisei angin hmun a chang pha lo a, Serie A khelh mekah match nga chiah la khelin San Siro-ah hian kum 2018 thleng contract a nei.

Leicester City nen pawha sawizawm hlawh mek De Jong hian kum 2012 khan Premier League-a Manchester City a champion pui hnuah Milan hi a zawm a, mahse tun season-ah coach thar Sinisa Mihajlovic hnuaiah hmun a chang pha meuh lo a ni.