Norwich-ah Ivo Pinto

Portuguese defender Ivo Pinto chuan kum thum leh a chanve cham turin Norwich City a zawm. Kum 26-a upa defender hian Dinamo Zagreb aṭangin English club hi a zawm a, a man zat hi puanzar a ni lo.

Kum 2013-a Zagreb pantu hian Croatian club tana a khelh chhung hian league title vawi hnih a chawi bakah kum 2015 khan Croatian Cup-ah a champion bawk a, inelna hrang hrangah a club tan hian match 100 lai a khel a ni.

Norwich City boss Alex Neil chuan, "Ivo hi Champions League-ah hial pawh tawnhriat lo nei tawh a ni a, kumina Arsenal leh Bayern Mu-nich an hmachhawn ṭum pawh khan a khel ṭha hle a ni. Portugal U21 tana lo khel tawh niin kum 26 leka upa a ni a, hmabak eng tak a nei a ni. Player ṭha tak a nih avangin tlarhnung lamah min pui ṭha hle ang," tiin a defender thar chu a fak.