Australian Open khel lo tur Safarova

French Open finalist Lucie Safarova chuan dam lohna vangin Ja-nua-ry 18 aṭanga khelh ṭan tur Australian Open-ah a inlan theih loh tur thu a sawi.

Kum 28-a upa Sa-farova hian kum 2007 khan Australian Open quarterfinal a lo in-hlangkai tawh a, nikum khan Melbourne-ah leh French Open double-ah Bethanie Mattek-Sands nena inkawpin an champion nghe nghe.

Czech Republic star Safarova chuan, "Infiammi kan nih chuan hrisel tura beisei kan ni a, mahse chutiang ngawt a ni bik lo. Nikum khan ka damlohna avangin ka taksa a la chak lo a, inkhel turin ka la inpeih lo a ni. Kumina Grand Slam tournament hmasa ber tur ka khel thei lo tur hi a pawi ta ti hle. Fans leh la player puite hriatthiamna ka dil e. February thlaah ka inkhelh theih tawh ka beisei," a ti.

Tun dinhmunah world number 1 Serena Williams, number 2 Simona Halep, number 5 Maria Sharapova leh Garbine Muguruza te chu hliam vangin an inkhel thei lo mek bawk.