African player zinga thiam ber Aubameyang

Gabon striker Pierre-Emerick Aubameyang chu Confederation of African Football player of the year 2015 atan thlan a ni.

Borussia Dortmund striker hian he chawi-mawi-na dawng tur hian Manchester City defender Yaya Toure leh Swansea midfielder Andre Ayew-te a khum.

African footballer ṭha ber thlang tur hian CAF hnuaia ram hrang hrang coach leh technical director-ten vote an thlak a, Aubameyang hian point 143 hmuin amah hnaih bertu Toure chuan vote 136 hmuin pathumna Ghana international Ayewe chuan point 112 a hmu thung.

Kum 26-a upa Auba-meyang hnuai chiaha awm kum 32-a upa Toure hian kum li chhung chu a zawnin CAF player of the year chawimawina hi a lo dawng tawh a, BBC African Footballer of the Year 2015-ah thlan niin tun season-a che ṭha tak Au-bameyang a phak ta lo a ni.

Liverpool nena sawi-zawm mek Aubameyang hi Gabonese player zinga CAF player of the year ni thei hmasa ber a ni a, tun season-ah Bundesliga top scorer ni mekin league match 17 a khelh aṭangin goal 18 a khung tawh.

February thlaa Africa Cup of Nations-a Ivory Coast champion puitu coach Herve Renard chu coach of the year chawimawina pek a ni a, French manager hian Zambia chu 2012 khan Africa Cup of Nations-ah hian lo champion pui tawhin Africa Cup of Nations-a ram pahnih nomawi chawipui thei hmasa ber a ni.