Player naupang hmasawn nan MTA

Mizoram Tennis Association chuan 2015-16 season aṭang hian player naupang zawkte hmasawn theihna tur ruahmanna a siam a, district pariatah district level tournament buatsaih vek tum a ni.

Tunah hian Aizawl, Lunglei, Kolasib , Ser­chhip leh Mamit District ah inelna neih a ni tawh a, Saiha leh Lawngtlaiah erawh court an la neih mumal loh avangin tih thei a la ni rih lo. He inelna hi qualifying tournament atan hman a ni a, semi-finalist chinte chu March thla a neih tur state level tournament – MTA Junior Super Cup a khel tur in an qualify ang.

State level-a ti ṭha zual leh promising pla­yer-te chu season leh a AITA ( All India Tennis Association) age group tournament U-18, U-16, U-14 , U-12 leh U-10 khel tur in MTA in a tirh theih kan beisei a ni.