Liverpool-a inhnek tur Vijender a phur

Indian boxer lar Vijender Singh chuan February 13-a a vawi li nana professional fight a neih tur chu nghakhlel taka a thlir thu sawiin a ngaihsan em em The Beatles ho chawr chhuahna khawpui Liverpool ngeia inhnek tur an nih avangin a phur lehzual thu a sawi.

Professional fight vawi thum a hmachhawn tawha knockout hmanga la chak vek middleweight boxer chuan, "Ka naupan lai
aṭanga Beatles ngaisangtu ka ni a, ka chhungte pawh keimah ang bawk an ni. Boxer tam zawk chuan Muhammad Ali leh Sugar Ray Leonard tih vel an ngaisang a, ka tan engmah an ni ve lo. Rockstar nih tum ṭhin ka ni a, mahse tunah chuan ring chhungah rockstar ropui tak ka ni ta zawk a ni," tiin a ṭawng pawr hle.

Vijender Singh-a hmachhawn tur hming hi puanzar la ni lo mah se Haryana lam chhuak boxer chuan tupawh a hmaah ding se knockout ngei a tum thu a sawi bawk.