Awadhe Warriors an kal zel

Premier Badminton League (PBL) khelh mekah Saina Nehwal chuan a team-te hnehna a chanpui zel a, Inrinni zan khan Awadhe Warriors chuan Hyderabad Hun­ters chu 4-3 in an hneh.

World number 2 Saina hian PBL match hmasa ber a khel lo a, an match hnihna aṭangin a inlan ṭan chauh. Awadhe Warriors hi Mumbai Rockets lakah tlawm nghal mah se Delhi Acers, Bengaluru Topguns leh Hyderabad Hunters te an hneh zawn leh tawh a ni.

Hyderabad-a Ga­chibowli Indoor Stadium hmuna inkhelah Warriors an che ṭha hle a, match hmasa pathumah hnehna an chang a, match hnuhnung pahnihah erawh Hunters-in hnehna an chang ve thung.

Tun dinhmunah Delhi Acers chuan point 15 hmu tawhin table-ah hma an hruai mek a, an hnuai chiahah hian point 13 hmu Awadhe Warriors awmin pathumnaah point kaw hmu mektu Mumbai Rockets an awm thung.