Roma leh Milan inhnehtawk

Inrinni zan Italian Serie A inkhelah AS Roma leh AC Milan te chu si khat ve ve khungin an inhnehtawk a, inkhel dangah Lazio chuan 3-1 in Fiorentina an hneh thung.

Roma khelmual Stadio Olimpico hmuna inkhelah mual neitu lam tan Antonio Rudiger chuan inkhel ṭan aṭanga minute lina lekah goal hmahruai a khung a, Milan tan Juraj Kucka chuan second half minute 50-naah an si phurh sutin hunn tawp thleng in goal dang a lut tawh lo a, point khat ve ve an hmu.

Roma hian league match 19 khelh tawh aṭangin point 34 an hlawh chhuak tawh a, table-ah pangna an ni a, hmahruaitu Inter Milan nen point nga chiahin an inthlau a ni. Milan hian khelh zat inang aṭangin point 29 hmuin table-ah parukna an ni mek.

Inkhel dangah Lazio tan Keita Balde Diao, Sergej Milinkovic-Savic leh Sergej Milinkovic-Savic ten goal an khung a, Fiorentina tan Facundo Roncaglia chuan goal khat khung ve mah se kawngro a su lo.