PSG-in hma an hruai zel

French Ligue 1 khelh mekah champion lai Paris St-Germain el pha an awm lo. League match 20 khelh tawh aṭangin point 54 an hmu a, anmahni hnaih bertu Angers nen an inthlauhna chu point 20 a ni der tawh.

Zirtawpni zan khan PSG hian first half-a Thiago Motta leh Maxwell te goal khung hmangin Bastia chu 2-0 in an hneh.

Bastia hian PSG hi an khelmual Parc des Princes-ah an la hneh ngai lo a, PSG hian match 21 hnehna changin vawi sarih chu an inhnehtawk.

Manager Laurent Blanc enkawlna hnuaiah PSG hian league match 20 khelh tawh
aṭang­in vawi 17 hnehna changin vawi thum an khingpui an in­hneh­tawkpui. Tun season European league lian panga zingah PSG chiah hi tlawm nei lo a kaltluang awmchhun an la ni mek.