Bengaluru an chak nghal
2014 I League champion Bengaluru-in season ṭanna inkhelah Goan club Salgaocar 2-1 in an hneh. Tilak Maidan Stadium, Goa-a inkhelah CS Vineeth chuan minute ngana lekah Bengaluru goal hmahruai a khung a, mikhual team hian inkhel an thunun tel bawk.
Goan club Salgaocar-in minute 41-naah Darryl Duffy penalty hmangin an siphurh sut mah se India captain Sunil Chhetri-a'n minute 61-naah freekick aṭangin Bengaluru chakna goal a khung.
Bengaluru-ah Mizo panga an awm a, goalkeeper-ah nikum season match zawng zawnga inlan vek Lalthuammawia Ralte a inlan a, Chaltlang rawlthar duhawm Malsawmzuala'n a club thar tan starting eleven a chang nghal bawk.