Chennai Open champion Wawrinka

Stan Wawrinka chuan 2016 ATP World Tour season bul a ṭan fuh hle. Pathianni zan khan Borna Coric hnehin Chennai Open-ah a zawna a vawi thum nan a champion.

World number 4 Wa-w-rinka hian world number 44 Coric hi darkar khat leh minute 26 chhungin 6-3, 7-5 in hneh. Swiss star hian lawm-man atan nomawi bakah dollar 75,700 (Rs. 50,52,971.21) a dawng a ni.

Kum 30-a upa Waw-rinka chuan, "Ka service leh forehand-ah hmasawnna a awm a, vawi 15 ngawt ace ka siam thei khan mi ti lawm. Kumina ka tour-nament hmasa berah nomawi ka chawi nghal thei hi ka hlim hle a ni. He hmunah hian tennis an ngaina em em a, min ṭantu tam tak hma inkhelh chu a nuamin a hlimawm a ni," a ti.