Chennai Smashers-in Hyderabad Hunters an hneh

Indian shuttler PV Sindhu chuan Chennai Smashers tan Women’s Single-ah Supanida Kathetong chu 15-8, 14-15, 15-5 in a hneh a, Pathianni zan Pre-mier Badminton League (PBL) inkhelah Hyderabad Hunters lakah 4-3 in hnehna an chang.

Gachibowli indoor stadium-a inkhelah Chennai Smashers lam hian Women’s Single, Men’s Single leh Mixed Double-ah te hnehna an chang a ni.

PBL khelh mekah Chennai Smashers hian point 12 hmu mekin table-ah pathumna an ni mek a, January 13 khian an league match hnuhnung ber atan Bengaluru Topguns an hmachhawn leh ang.

2016 PBL-ah hian team paruk an awm a, team tinte league round-a an inkhelh kual vek hnuah a sang paliin semifinal an lut ang. Tun dinhmunah Delhi Acers chuan point 15 hmuin hmahruaitu an ni a, an hnuai chiahah hian Awadhe Warriors (13), Chennai Smashers (12) leh Hyderabad Hunters (10) te an awm mek a ni.