Vawiinah India leh Australia inkhel dawn

Australia rama ODI series leh Twenty20 khel tura zin chhuak India chuan vawiin aṭang hian an ODI match hmasa ber an khel dawn.

ODI series-ah hian match nga khelh tur a ni a, match hmasa ber hi vawiin zing dar 8:50-ah Western Australian Cricket Association Ground, Perth khawpuiah khelh a ni ang.

Australian opening batsman Aaron Finch chuan, "Chak tur zawka beisei ni mah ila kan buai phah lo. Nikum lawkah ropui takin World Cup kan khel a, mipuiin chak zawk ni tura min beisei pawh hi a awm lo hran lo," tiin India lakah a indah sang hle.

Indian opening batsman Rohit Sharma chuan, "Inkhel hmuh-nawm tak a ni dawn a, team pahnih hian chan-chin ropui tak kan lo neih tawh ṭhin avangin a tlawm zawk nih kan duh lo ang," tiin team pahnih chuan an theihtawp an chhuah tur thu a sawi.