Subroto Cup-ah Mizoram vs Tripura

Vawiin aṭangin Subroto Cup vawi 62-na junior (under 17) girls inelna ṭan a ni dawn a, tlai dar 4:30-ah Mizoramin match hmasa berah Tripura an hmachhawn ang.

Mizoram hi group E-ah Tripura, Delhi leh NVS te nen an awm ho a, group khat aṭangin a sang ber chauh quarterfinal khel turin an tling ang.

Mizoram coach R Lalnunsangi (Manuni) chuan, "Kum 12-13 inkar kan ni hlawm a, inelna kan hmachhawn tur hi under 17 a ni. Tun kum atan chuan tlem chuan kan naupang hret a, mahse kum thum chhung atan ruahmanna kan siam," tiin Vanglaini a hrilh.

Subroto Cup hi school inelna a ni a, Mizoram team hi Govt Bethlehem Vengthlang Middle School II hmingin an kal a ni.