Riyadh Season 2023 brand ambassador Ronaldo

Riyadh Season 2023 'brand ambassador' atan Cristiano Ronaldo hman a ni dawn.

Kingdom of Saudi Arabia General Entertainment Authority (GEA) chairman Turki Alalshikh chuan Riyadh Season vawi lina chu October 28, Inrinni aṭanga ṭan tur a nih thu a tichiang tawh.

Riyadh Season 2023-ah hian sport, music, gaming leh film entertainment te a awm vek dawn a, chutihrualin Saudi ram chhung leh ram pawn company 2,000 vel an rawn inzuar dawn a, hei hian mi 200,000 vel tan hna a siam thei ang.

Tyson Fury leh Francis Ngannou te pawh Riyadh Season 2023-ah hian an inhnek tawh dawn a, boxing inhnek tur ṭha bik hi ‘Battle of the Baddest’ vuah a ni.