Mission Veng khingpui tur BVT

Aizawl DFA First Division round 4 chu vawiin hian Lammualah khelh chhunzawm a ni dawn. Point sarih hmu tawh team pahnih Mission Veng leh Bethlehem Vengthlang te chawhma dar 10:00-ah an inhmachhawn dawn a, intumtawk viau tura ngaih an ni.

Mission Veng hian match hnuhnung berah Ramthar Veng 4-2 in an hneh thei a, chutihrualin Freddy Lalrinchhana hnawh chhuah a nih avangin BVT a hmachhawn thei dawn lo. BVT hi football thiam veng an ni a, first division-ah veng/khaw dang player an lak nual avangin fiah an dawl hle.

Inkhel dangah hmahruaitu Kanan FC leh Aizawl FC Academy te an inkhel dawn a, First Division-ah hian team an intluktawk avangin Kanan pawh hi chak chianga dah theih an ni lo.