Hmeichhe football thiam ber Carli Lloyd

Kum 2015 Hmei-chhe World Cup-a USA champion puitu mid-fielder Carli Lloyd chu Women's world player of the year-ah thlan a ni.

Kum 33-a upa mid-fielder hian World Cup final-a Japan nen an in-hma-chhawn ṭumin hat-trick a siam a, a goal thun zinga pakhat phei chu field chanve aṭanga a thun niin goal ropui bik a ni. Lloyd hi Canada rama khelh World Cup-ah hian Best Player-ah thlan a ni bawk.

Llyod chuan, "Kan ram tana ka khelh ṭan aṭang khan ka suangtuahna leh duhthusam chu khaw-vela hmeichhe football thiam ber chawi-mawina dawn hi a ni a, zaninah hian chu chu a tak ramin ka tawng a ni. I beiseina ti hlawhtling tur chuan i um zui zel a ngai a ni," tiin a lawm hle.

Germany striker hlui Celia Sasic chu pa-hnihna a ni a, nikum World Cup khelh zawha football chawlhsantu hi World Cup-ah goal ruk khungin top scorer a ni a, Champions League-ah Frankfurt chu a champion pui bawk.

Japanese midfielder Aya Miyama chu pa-thum-na a ni a, kum 30-a upa Japan captain hian an ram hi World Cup 2015 final a hruai thleng a ni.

USA coach Jill Ellis chu World Cup nomawi a chawi avangin Women's football world coach of the year-ah thlan a ni a, a hnuai chiahah hian final-a an hneh tak Japan coach Norio Sasaki leh World Cup-a England pathumna nihpuitu coach Mark Sampson-te an awm.