Bournemouth-ah Grabban a kir

Premier League club Bournemouth chuan an elpui Norwich City aṭangin Lewis Grabban an la lut a, an player hlui lak kir nan hian pound maktaduai sarih vel an hmang.

Kum 27-a upa Grabban hian Cherries chhuah-sanin kum 2014 khan Carrow Road lamah a insawn a, season hmasa khan Championship-ah goal 12 khungin tun season EPL-ah goal khat a khung tawh bawk.

Bournemouth hian Grabban an lakluh hma lawkin Wolves striker Benik Afobe chu pound maktaduai 9-in an lo la lut tawh bawk. Afobe man hi a tir lamah pound maktaduai 10 ni tura ngaih ni mah se pound maktaduai 1-in Wolves lam hi an tawlh hniam leh a ni. Bournemouth hian darkar 24 chhungin player pahnih lakluh nan pound maktaduai 16 an hmang tling a ni.

Bournemouth manager Eddie Howe chuan, "Tunah chuan Lewis Grabban
ṭha zawk kan hmuh theih ka beisei," tiin beiseina a nei sang hle.