Newcastle-ah Shelvey a lut dawn

Nipui transfer-a sum hmang nasa Newcastle United-in nipui transfer-ah pawh sum ren an tum lo. Tun season-a beisei phak lo Newcastle hian Swansea City midfielder Jonjo Shelvey chu pound maktaduai 12-in an la lut dawn.

Magpies hian French club Bordeaux aṭangin midfielder Henri Saivet chu pound maktaduai 4.5-in an la lut bawk a, Haivet hian St. James Park-ah kum nga chhung cham turin contract a ziak. Kum 25-a upa Saivet hi kum 2008-9 season Ligue 1 champion team Bordeaux-ah khan a tel ve tawh a, a club tan hian inelna hrang hrangah match 178 khel tawhin goal 23 a khung tawh a ni. 2015 Africa Cup of Nations-ah pawh khan an ram Senagal tan a inlan ve nghe nghe.

Shelvey erawh Mag-pies kawr a hak hmain St. James Park-ah medical a nei leh phawt ang a, he thuziak i chhiar meuh chuan Newcastle kawr a ha tawh hial ang.

Kum 23-a upa Eng-land international hi Welsh club-in manager Gary Monk an ban hnua Swansea chhuahsan hmasa ber tur a ni ang.

English midfielder bei-seiawm hian kum 2013 khan Liverpool aṭangin Swansea hi pound makta-duai 5-in a zawm a, kum li cham turin contract a ziak.

Shelvey hi Swans tan player pawimawh ber pawl ni chho nghalin 2014-15 season-ah khan Premier League-a an tawn san ber ṭum tawn puiin pariatna dinhmun a luahpui a ni.

Charlton Athletic-a a football career ṭantu Shelvey hian Pathianni khan Swansea tana a match hnuhnung ber chu FA Cup-ah a khel a, League Two club Oxford laka 3-2 a an tlawmna inkhelah hian chance a hlah hnem hle.