Turkey police headquarters bulah bomb a puak

Turkey chhimchhak lam, Diyarbakir province-a Cinar district-ah nimin khan car bomb a puak a, mi panga an thi a, mi 39-in hliam an tuar. Thi zingah hian nu leh nausen an tel.

Official-te chuan car bomb hi police headquarters luhna gate pui bulah tihpuah a nih thu an sawi a, bomb puak hian a bul vela in pawh a tichhe nual a ni.

Bomb tipuaktute hian rocket hmangin headquarters hi an bei zui nghal bawk.

Diyarbakir province-ah hian tun hnaiah PKK hel leh Turkey sipai an lo inbei fo tawh a ni. Nikum khan helhoin an lambunnaa police officer 14 an thih avang leh, bomb an tihpuaha sipai 16 an thih avangin Diyarbakir khawpui leh hmun dang eng emaw zatah curfew an puang tawh bawk.

Turkey sorkar leh PKK hel hian inkahhai puang mah se, an in≠remna siam hi nikum July thla khan an titawp.