China-in human rights lawyer a man

China rama human rights lawyer lar ber zinga mi, Wang Yu leh a pasal, lawyer vek Bao Longjun te chu man an ni a, sorkar paihthlak tuma puhin thubuai siamsak an ni.

Wang-i hi sorkar paithlak tuma phiarruah puh a ni a, thiam loh chantir a nih chuan damchhung lung in tantir theih a ni ang. A pasal hi sorkar paihthlak a nih theihna atana midangte fuihah puh a ni bawk. An pahnih hian thla ruk chhung hren an lo ni tawh a ni.

China sorkar hian an rama human rights lawyer leh an thawhpuite dapchhuah hna a thawk a, lawywer pasarih-te chu tunkar tir lam khan man niin thubuai siamsak an ni bawk.

Heng mite hi Wang leh a pasal Bao ang bawka Beijing law firm, Fengrui-a thawk an ni.

Fengrui firm hian thubuai lian tham tak tak a khawih fo a, sorka thuneitute lam chuan an an firm hi an ngaimawh hle nia sawi a ni.