SKorea-in North vau nan silai a hmetpuak

South Korea chuan North Korea nena an inri bula an ram chinah NKorea drone an hmuh hnuin, vau letna atan ṭum 20 zet machine gun a hmetpuak.

North Korea drone hi Nilaini khan South lam ram chinah thlawh luh tir a ni a, South lamin silai an hmehpuah hnu hian a thlawk kir leh ta niin SKorea defence leh sipai official-te chuan an sawi. An silai hmetpuah hian drone hi a fuh lo tih an sawi bawk.

Kum 2014 khan SKorea official-te chuan an ram chinah NKorea drone eng emaw zat an thlawk lut tih an lo hmuchhuak tawh bawk.

Heng drone-te hi low-tech ni mah se, South lam chuan an ram himna dinhmun tiderthawng theiah an ngai a ni.

Nilaini vek han North Korea-in balloon hmanga South lama leaflet thawnluh a tum sang tel chu ramri-ah hian South lam hian an hmu bawk a, heng leaflet-ah hian SKorea President Park Geun-hye leh a kaihhruai sorkar sawilsena thute ziak a ni a, President Park-i chu 'ui' anga an tehkhina thu ziakte a awm.

SKorea pawhin ramri-ah North lam hawiin loudspeaker campaign a nei chhunzawm zel dawn tih Park-i chuan a sawi.

South lam hian ramri hmun eng emaw zata loudspeaker broadcast hi buatsaihin, North Korea mi, ramri chhehvela chengte hriat theih turin an ram sorkar leh hotu, Kim Jong-un sawiselna thute an tichhuak ṭhin.