Sierra Leone-ah Ebola hri hmu thar leh

World Health Organization in Africa khawthlang lama hri leng, Ebola hri chu khuahkhirh fel a ni tawh tih a puan hnu lawkah, Sierra Leone rama health official-te chuan he hri vanga thihna thleng thar a tam thu an puang ve leh.

Nikum November 7 khan Sierra Leone ram chuan an ram chu Ebola laka a fihlim thu an lo puang tawh a, Ningani khan Liberia ram pawh hrileng laka fihlimah puan a ni ve leh bawk.

Mahse Ebola test centre thupuangtu chuan tunkar tir lama Sierra Leone hmarlama thi mi pahnihte taksa an endiknaah pakhat zawk chu Ebola vanga thi a ni tih finfiah a ni, a ti.

Center thupuangtu, Sidi Yahya chuan Ebola hri an hmuh thar lehna hi Tonkolili district ami a ni a, tun hnaiah Guinea ramri bul, Kambia aṭangin a rawn kal niin a sawi.

Test hi British health expert-te'n an buaipui a, Ebola hri vei a ni tih finfiah a nih tak avangin a awmpui hnaivaite pawh zawn≠chhuah tuma hma lak nghal a ni.

Kum 2013 December thlaa Ebola hri a len aṭang khan Africa khawthlang bialah hian mi 11,000 in an thihphah tawh a, an zinga mi 4,000 chu Sierra Leone ram mi an ni.

He hri vei, damchhuak leh mi 17,000 vel an awm bawk.