Jakarta beitua rinhlelh mi pathum man
Indonesia police-te chuan Ni≠ngani-a an ram khawpui, Jakarta-a ṭum eng emaw bomb tihpuahnaa inhnamhnawiha rinhlelh mi pathum nimin khan an man.
Jakarta beihnaah hian mi pasarih an thi a, an zingah hian pawikhawihtu zinga mi panga an tel. Mi 20 velin hliam an tuar bawk.
Depok area police chief, Colonel Dwiyono chuan mi pathumte hi nimin zing khawvar hlim khan an chenna, Depok district-a Jakarta khawdaiah man an ni, a ti.
Islamic State of Iraq and Levant (ISIL) firfiak pawl chuan Ningani zan khan thuchhuah siamin, Jakarta beitu an nih thu leh, mi 15 an thah thu an sawi.
Jakarta Police hotu, Major Ge≠neral Tito Karnavian chuan khawpui beitute hi Indonesia rama ISIL pawl thlawptu, Brahum Naim kaihhruaite an neih thu a sawi.
Indonesia President Joko Jokowi Widodo chuan pawikhawihna thleng hi a dem takzet tih sawiin, "He thil thleng hi mipuite tichiai a, an rilru-a hlauhna tuh tumna a ni," a ti.