US hmeichhe pakhatin Twitter a khing

United States, Florida state-a hmeichhe pakhat chuan micro-blogging site, Twitter chu khingin, firfiak pawl, Islamic State (IS)-te'n khawvel huapa an chanchin thehdarh chu thlawp leh, an pawl mi thar tur lakna atana hmanruaa hman phalsakah a puh.

Thubuai thehluttu hi Tamara Fields a ni a, nikum November thla khan a pasal chu Amman, Jordan-ah firfiakte'n an that a ni.

Fields chuan, "Tiwtter hi awm lo se, hetiang tak hian IS hi kum reilote chhungin an lian vak thei dawn lo a ni. Twitter hian an nihna hre reng chung≠in, an thuthlung thehdarh leh member thar lakna atana hmanruaa an hman a phalsak a ni," a ti.

Court hnenah Twitter chu Anti-Terrorism Act bawhchhiaa puang turin a phut bawk.

Twitter thupuangtu chuan Fields-i puhna hi chhangin, "A pasal a chan avangin kan tawrhpui hle a, hemi rual hian thubuai a thehluh hi chu thil awmze nei lo a ni," a ti.

Anni pawhin firfiakte pawikhawihna leh internet-a nghawng an neih dante chu an duh lo a, social network dang ang bawkin Twitter pawhin invauna leh firfiaka chetna chawilarna lam hawi chu an thlawp lo a, an danah pawh chiang takin an tarlang tih a sawi.