Kim-a'n thilpekah rifle leh lukhum a dawng tel
Russia tlawha zin, North Korea ram hotu lu ber Kim Jong-un chu an ramah a kir leh tawh a, Russia hnen aṭang hian thilpek eng emaw dawngin, heng zingah hian military drone bakah rifle, kutkawr leh lukhumte a tel.
Russia sorkar aṭanga thilpek a dawnte hi friendship museum-ah dah an ni. He hmunah hian NKorea ram hruaitu lo ni tawh, a pu leh pate pawhin thilpek an dawnte an lo dah ṭhin bawk a ni.
Kim-a'n rifle a dawn hi Russia rifle siam zinga quality ṭha ber a ni tiin Russia parliament, Kremlin thupuangtu Dmitry Peskov chuan a sawi. A kutkawr dawn hi spacesuit-a mi, van thengrengah an lo bun tawh a ni bawk. Hei bakah hian Primorsky region governor chuan Kim hi phaw changkang leh zangkhai tak a pe bawk. Ukraine indonaa an hman nasat, Geranium-25 reconnaissance drone bakah one-way attack drone panga an pe bawk a ni.