Taiwan-in hmeichhe president thar a nei

Taiwan chuan an ram chanchina a vawi khatna atan president-ah hmeichhia a thlang.

Taiwan president atana thlan hi kum 59 mi, Tsai Ing-wn a ni a, Democratic Progressive Party (DPP) hotu niin, China aṭanga indepen≠dence thlawptu a ni.

President atana thlan tlin a nih hnua thu a sawi hmasa berah, Tsai-i chuan China nena an inkar boruak chu siamṭhat zel a tiam a, hemi rual hian China chu Taiwan democracy zahsak tura a phut thu a sawi.

China hian Taiwan hi a ram aṭanga province pakhat inla≠hrang angah a la ngai reng a, a
ṭul a nih chuan tihluihna hmang≠a lak letah a la vau fo a ni.

China nena an inkar boruak chu Taiwan mipuite duhdan anga kalpui a ni ang, tiin President thar chuan a sawi.

"Inzahtawn leh inhrethiam taka ram pahnihte chuan an inkar boruak an kalpui chu an mawhphurhna ve ve a ni tih an hriat ka duh a ni," a ti.

An ram hrek leh rah beh tum a nih chuan an inlaichinna a tihchhiat tur thu a sawi bawk.

Tsai-i chuan US leh Japan-te an thlawp avangin lawmthu a sawi a, Taiwan chuan remna leh muanna a a awm theihna turin theihtawp a chhuah zel dawn a ni, a ti.

President thar chuan Taiwan-in harsatna a tawh hrang hrante chingfel tura theihtawp a chhuah tur thu a sawi a, mahse an buainate chu vawi≠lehkhata bo mai theih a nih loh tur thu a sawi nghal bawk.

Tsai-i hi May thla hian President thar atan lakluh a ni ang.