Burkina Faso hotel beihnaah mi 28 an thi

Burkina Faso sorkar chuan Islam firfiakte'n an ram khawpui, Ouagadougou-a luxury hotel, Splendid Hotel an beihnaah mi 28 an thi a, mi 56 in hliam an tuar tih a sawi.

Sorkar chuan ram pumah mitthi te hi darkar 72 chhung sun an nih tur thu a sawi.

Kar kalta Zirtawpni zan khan firfiakte hian ramdang mite'n thlenna atana an hman ber, luxury hotel hi an bei a, a bula hotel dang leh cafe pawh an bei tel bawk.

He hotel hi UN worker leh ramdang mi khualzinten thlenna atana an hman ber ṭhin a ni.

Firfiakte beihnaa thi zingah hian ramdang mi eng emaw zat an tel a, American Kristian missionarry Mike Riddering pawh an tel.

Security force-te'n pawikhawihtute hi bei letin, hun eng emaw chen an inkap a, firfiak zinga pali an kaphlum.

Security Minister Simon Compaore chuan firfiakte hian hotel-ah hian mi 176 an hreng zui a, mahse security force-te chuan heng mite hi an chhanchhuak vek tawh a ni, a ti.

Al-Qaeda in the Islamic Maghreb (AQIM) chuan Ouagadougou-a hotel beitute hi an nih thu an sawi.

Hotel beitute hian bomb an tihpuah avangin hotel leh a bul vela buil≠ding dangte pawh a chhe nual a ni.

Hotel aṭanga an chhanchhuahte chuan firfiakte hian hotel hi luhkhungin, hotel chhung≠a awmte chu an pawng kah a, che hlek an awm chuan an kap nghal zel niin an sawi.

Hotel Splendid beitute hi mi pasarih vel nia hriat an ni a, he hotel-ah hian an thleng a ni.