China state media-in Taiwan President thar a vau

Taiwan President thlan thar, Tsai Ing-wen-i chu nimin khan China state media-in a vau a, China lak aṭanga independence sual lo tura vauin, inlakhran a tum a nih chuan a tan tawpna tur a ni, a ti.

Tsai leh a party, Democratic Progressive Party (DPP) hian kar kalta Inrinni-a inthlanpui neihah khan China nena inlaichinna ṭha neih duhtu,President Ma Ying-jeou kalchhuak kaihhruai, Koumingtang party chu an hneh a ni. DPP hi China
aṭanga independence thlawptu an ni.

Taiwan hi kum 1949-a tual≠chhung indona a thlen hnuah khan China
aṭangin inlahrang mah se, independence a la puang lo a, China sorkar chuan a ram bung pakhat angin a la ngai a, inzawmkhawm leh dan a zawng reng a ni.

President thar Tsai-i hian an ram dinhmun chu ngaihtuah chhunzawm a tiam a, hemi rual hian China-in an ram rahbeh a tum a nih chuan an inlaichinna thlengin a nghawng chhe dawn hle tih sawiin, an ram inrelbawlna leh nihna chu zahsak tura a phut thu a sawi.

China chuan Koumintang chak loh chhan chu Taiwan mipuite'n China nena inzawmna ṭha a neih vang ni loin, Taiwan mipui dinhmun inthlau chak ta lutuk leh, hna thawh nei lo an pun chak vang zawkin roreltu thlak an duh tawh a ni, a ti.