Silai khuahkhirh chungchangah Democrats candidate-te inhnial

Kum 2016 US President thlanna neih tura Democratic presidential candidate chuh tumte chuan Pathianni khan South Carolina-ah TV live debate an nei a, silai khuahkhirh leh healthcare chungchangah an inhnial nasa hle.

Debate hi darkar hnih chhung neih a ni a, candidate pathum- Secretary of State hlui , Hillary Clinton, Sena≠tor Bernie Sanders leh Mary≠land governor hlui, Martin O'Malley-te an tel a, silai khauh≠khirh chungchang chu an sawi hmasak ber a ni.

Clinton-i chuan Vermont senator, Bernie Sanders chu silai thlah zalen duhna thlawpah a puh a, silai siamchhuaktu lam ṭangah a puh a ni.

Vermont state chu US-a silai nei tamna state zinga mi a ni tih sawiin, in hnihin silai pakhat nei zel ang an ni, a ti.

Sanders chuan Clinton-i puhna hi chhangin, President Barak Obama-a'n silai leitute chungchang uluk leh khauh zawka enfiah a rawtna chu a thlawp tlat thu a sawi thung.

Clinton leh Sander-te hi mipui ngaihdan lakah an intluk chho hle a, a tir lamah Clinton-i hian hma hruai fal mah se, Sander hian party candidate atana duhtu a ngah chak hle a ni. Hmar lamah a dinhmun a ṭha chak a, mahse African-American bakah hnam tlem zawkte lakah Clinton-i a la tluk lo a ni.