Missile test vangin US-in Iran hrekna thar siam

Iran-in nuclear program tihtawpna tura inremna an siamte a zawm avangin an ram hrekna hlih a nih thu Internatio≠nal Atomic Energy Agency (IAEA)-in a puan hnu lawkah, US chuan tun hnaia ballistic missile a enchhin avangin Iran hrekna thar a siam leh.

Tun ṭuma US-in hrekna a siam hi sorkar ni loin, mimal leh company 11 an ni a, US banking system an hman a khapsak a ni.

US acting under secretary for terrorism and financial intelligence, Adam J Szubin chuan, "Iran ballistic missile programme hi an bial chuah ni lo, khawvel pum himna tider≠thawng thei a ni," a ti.

US President Barack Obama chuan Iran-in nuclear deal an siam a zawm tak chu lawmawm a tih thu sawiin, he inremna hmang hian Iran-in nuclear bomb a siamna tur kawng chu dansak tlat a ni, a ti.

Iran-in a nuclear programme tihtawp a remtih tak avangin US, EU leh UN chuan nuclear prog≠ramme kaih≠hnawiha Iran an hrek≠na an hlip nghal. Mahse US chuan economic lama a hrekna chu a la hmang chhunzawm dawn a, US mi leh sa leh company-te chu Iran nena insumdawn tawn a khap a ni.

EU pawhin terrorism kaihhnawiha a hrekna chu a la hman chhunzawm dawn bawk. Iran hian global banking system pawh a zawm ve thei nghal dawn a ni.

Pathianni khan United Nations Security Council chuan Iranian Bank, Sepah leh a zawmpuite chu sanction list aṭangin a paih nghal.

Bank Sepah hi kum 2007 aṭang khan Council hian khawih chet theih lohin a lo hrek tawh a ni.

Hrekna hlih a nih hian Iran sum dinhmun pawh a siamṭhat nghal rin a ni a, nikhata crude oil a thawn≠chhuah pawh a letin a tipung a, hei vang hian oil man pawh a tlakhniam phah nghal bawk.