Chhawmdawlna atan dollar tld 40 mamawh

United Nations chuan khawvel ram hrang hrangah indona leh leilung chhiatna vanga chhawmdawl ngai mipui tam tak an awm a, heng mite chhawmdawl tur hian kumtinin US dollar tluklehdingawn 40 mamawh a ni, a ti.

Pathianni khan UN panel report on humanitarian financing hi UN Secretary General Ban Ki-moon-a'n a tichhuak a, khawvel ram hrang hrangte chuan indona leh chhiatna thleng avanga ṭanpui ngai, mi makta≠duai 125 chhawmdawlna turin dollar tluklehding≠awn 25 an seng a ni, a ti.

Hei hi kum 2000-a ṭanpuina atan sum hman, dollar tluklehdingawn 2 aiin a let 12 zetin a tam tawh a ni.

Member pakua awmna, UN panel chuan kumtinin harsatna tawkte nunna chhanhim leh an tawrhna tihnep sakna tur≠in dollar tluklehdingawn 15 mamawh belha nih thu a sawi a, hetiang zel hi a nih chuan kum 2030-ah chuan chhawmdawlna atana sum mamawh hi dollar tld 50 a tlin tur thu a tarlang bawk.

Report chuan ram hausa zawkte chu chhawm≠dawlna tam zawk pe tura ngenin, Muslim ramte chu 'Isla≠mic social finance' hmang turin a ngen.

Tunlaia tualchhung buaina thlen mekna ram 33 zinga 31 chu Muslim tamna rama thleng a ni tih report chuan a tarlang bawk.

Mi mangangte ṭan≠pui≠na ṭha zawka sem≠chhuah a nih theihna turin panel chuan aid organization leh humanitarian and development agency-te inkara inelna awm ṭhin pawh tihtawp turin a ngen.

Ṭanpui ngai awm zat an tlakhniam theihna turin ram hrang hrang hruaitute chu an tual≠chhung buaina thleng tur theihtawpa veng tur te, leilung chhiatna thleng
ṭhinte a ziaawm theihna tura investment tam zawk ti turin an ngen a ni.