Khawvela mipa upa ber a thi

Kum 2015 August thlaa khawvel mipa damlai zinga upa bera puan, Japan mi Yasutaro Koide chu kum 112 mi niin nimin zing khan a thi. Thla hnih chauhin kum 113 a la tling lo a ni.

Yasutaro Koide hi kum 1903, March 13-a piang a ni a, a dam rei chhan thuruk chu zu leh meizial laka a fihlim bakah, thil reng reng a tawk chauha a tih ṭhin vang leh a hlim reng vang a ni tih a sawi.

Koide hi Wright brother-te'n hlawhtling taka thlawhtheihna an siam chhuah hma thla thum khan Tokyo hmarthlang lam, Fukui-ah a piang a, nikum August thla khan Guinness World Record chuan mipa damlai zingah upa berah a pawm a ni.

Guiness World Records in mihring damlai zinga upa ber a record mek chu America mi, Susannah Mushatt Jones-i a ni a, kum 116 mi a ni.