UN General Assembly debate nei chhunzawm

78th United Nations General Assembly (UNGA) high level general debate chu Thawhlehni aṭang khan UN headquarters-ah neih a ni a, September 26 thleng a awh ang.

New York-a UN headquarters-a UNGA neih mekah hian ram hruaitu 140 chuang an tel. General Debate hi UN-in kum tina event a neihah ngaihven hlawh ber zinga mi niin, ram hrang hrang hruaitute'n khawvel huap kaihhnawih an ngaimawh leh vei zawng sawina hun minute 15 an nei.

General Debate ṭan nia thusawitu zingah hian US president Joe Biden, Turkey president Recep Tayyip Erdogan,Ukraine president Volodymyr Zelenskyy, leh Iran president Ebraham Raisi-te pawh an tel. Nimina thu sawi zinga South Korea president Yoon Suk-yeol, Italy prime minister Giorgia Meloni, Lebanon caretaker prime minister Najib Mikati leh Libya minister of youth Fatalla AF Elzuni-te an tel bawk a ni.