Zelenskyy-a'n Russia vangin UNSC awmzia nei loah puh

Ukraine president Volodymyr Zelenskyy chu Russia nena an indo hnua a ṭum khatna atan UN Security Council meeting-ah inlanin, Russia veto neih avangin UN Security Council chuan awmzia a nei lo tiin a sawi.

Zelenskyy chuan United Nations chuan tih theih a nei tawh lo tiin, Ukraine a run avangin Russia chu post-World War II Security Council permanent member a nihna hlihsak turin a ngen bawk.

"UN chet theih loh chhan tak chu khawvel pumin a hria. Soviet Union a keh darh hnua dik lo taka thiltih avanga Security Council-ah Russia-in seat a neihah hian Russia-in tharum thawhna leh hnam suatna a kalpui mek sawi mawi turin dawthmang an ṭhu a ni," tiin Zelenskyy chuan a sawi. Zelenskyy chuan inremna tluantling a awm theih dan awm chhun chu Russia sipaite hnuk kir a, Soviet Union keh darh hnua 1991 ramri anga Ukraine chu thuneihna pek kir a ngai, a ti bawk.

Ningani khan Zelenskyy chuan US President Joe Biden hmu turin Washington a pan a, Russia nena an indonaah US congress leh military official-te chu thlawp chhunzawm turin a ngen. Congress member tam zawkin Ukraine chu thlawp chhunzawm an duh laiin, indona senso a san zel avangin Republicans-te chuan inhnamhnawih an duh tawh loh thu an sawi.