Palin-in Donald Trump a thlawp

US President thlanna neih tura Republican president candidate zinga thawm na tak, Donald Trump chuan thlawptu a neih belh zel a, kum 2008 president thlan ṭuma Republican vice-president candidate, Alaska governor hlui Sarah Palin-i chuan Trump hi a thlawp thu a sawi.

Ames, Iowa-a Trump-a campaign rally neihnaah telin, Palin-i hian Trump hi America ram ropuia siam leh theitu tur a ni, a ti. Trump chuan Palin-in a thlawp chu lawmawm a tih thu a sawi bawk.

Kum 2008 President thlanna neiha Democrats an hneh loh hnu khan Palin-i hi politics lamah an inhmang zui vak lo a, reality TV show-ahte a lang ṭhin a, lehkhabute ziakin political commentator lamah a kal zawk a ni. Politics lamah inrawlh zui vak lo mah se, conservative lam chuan an la duh le a ni.