Muslim hmeichhiate'n English test an paltlang a ngai

British Prime Minister David Cameron chuan ramdang aṭanga Britain-a pem lut, kum 2-1/2 hnua English la thiam lote chu an awm chhunzawm zel an phalsak dawn lo tih a sawi.
Cameroon chuan Britain-ah Muslim hmeichhia 190,000, English thiam mumal lo an awm a thu a sawi. Mipa ṭhenkhat, an nupui, farnu leh fanu-te khuahkhirh bet tlatte ngaihdan hmanlai takte chu thlaksak an ngai a ni, a ti.

PM chuan, "English tlanglawn thiam chungin kan ramah hian an rawn lut thei a, thiam belh tura phutna pawh a awm ngai lo. Mahse hei hi kan thlak danglam dawn a ni. Kan ṭawng hi an thiam belh a nih loh chuan UK-a an awm theihna tur thlengin a nghawng tawh ang," tiin a sawi.

He ruahmanna hian mipa, an nupuite khuahkhirh tlat tumte hnenah an thiltih chuan nghawng a nei dawn a tih chiang takin a hriattir dawn a ni, a ti.

Sorkar chuan kumin October thla aṭang hian English class hi a buatsaih dawn a, hemi atan hian dollar maktaduai 28 a ruahman a ni. Heta ṭang hian Britain-a lutte visa
aṭangin an awm chin leh, ṭawng lama an hmasawn dante endik an ni ang.