Libya-ah sorkar in- ṭawm ding dawn

Libya Presidential Council chuan UN hmalakna angin an ramah political party hrang hrangte'n sorkar inṭawm an din dawn tih a sawi.

Sorkar thar hi Fayez Al-Serraj-a'n a kaihruai dawn a, minister 32 leh deputy prime minister pali an awm ang.

House of Representatives-in a pawm hunah sorkar thar kutah hian thuneihna hi hlan a ni dawn a ni.

Presidential council hi nikum December 17-a UN kaihhruaina hnuaiah Libya political party hrang hrangte'n inremna, National Accord of Libya an ziah hnuah din a ni.

Inremna an siamah chuan sorkar thar ding tur chu ni 30 chhung ngeia puan a ni tur tih a ni.

United Nations Security Council chuan Libya rama ṭangrual sorkar pakhat a din dawn ta chu lawmawm a tih thu a sawi a, House of Representative pawhin sorkar thar chu a pawm thuai a beisei thu a sawi.

Libya ramah hian political party lian pahnihte inrem loh avangin parliament leh sorkar pahnih a ding a, tualchhung buaina a chhuah phah renbakah, firfiak pawl pawh an lian chak hle nia sawi a ni.