Ebola vaccine siam turin inrem

Africa khawthlang lama hri leng mek, Ebola hri danna siam turin Vaccine Alliance, Gavi chuan dollar maktaduai 5 man inremna a ziak.

Gavi hi vaccine hmanga mipuite nunna chhan tuma public body leh company hrang hrang intelkhawm a ni.

He inremna siamah hian pharmaceutical company Merck ennawn tur leh, hmanhmawh thila hman theih turin vacinne 300,000 chu peihsaa dah reng tura tih a ni. Kum 2017 tawp lamah vaccine license nei tur hian dilna a thehlut ang a, hemi hnu hian khawvel huapa hman turin a siam thei tawh dawn a ni.

Ebola hri leng vang hian Africa khawthlang bialah mi 11,000 in nunna an chan tawh a ni.

Merck hian VSV-EBOV vacinne a enchhin mek a, zirchianna hmasaah chuan he vaccine hian Ebola hri hi a dang thei nia hriat a ni a, mahse data tam zawk zir≠chian ngai a la awm.

World Health Organization chuan kar kalta khan West Africa chu Ebola hri laka a fihlim ta niin a sawi a, mahse he thu a puan
aṭanga darkar rei vak loah Sierra Leone ramah Ebola hri vanga thi hriatchhuah a nih thu puan a ni leh a ni.

WHO chuan Ebola hri hi nasa zawkin a la leng leh thei dawn niin a sawi.