Myanmar-in tâng 101 a chhuah

Myanmar sorkar chuan nimin khan politics vanga tâng, mi 101 a chhuah. Tâng chhuah takte hi ramchhung jail hrang hranga mite an ni.

Nikum November 8-a inthlanpui an neih hnuah, Myanmar parliament thar hnuaia session hmasa ber chu February 1 hian neih a ni ang.

President Office thupek anga tâng 101-te chhuah zalen an nih chhan hi mimal leh pawl hrang hrangte an rama boruak ngelnghet, remna leh muanna, inpumkhatnaa awm theihna atana an ngenna chhan letna a nih thu official thuchhuah chuan a tarlang.

Myanmar sorkar hian kum 2015 khan tâng 6,966 a lo ngaidam tawh a, an zingah hian ramdang mi 210 an tel.