SKorea President-in inbiak a duh

South Korea President Park Geun-hye-i chuan North Korea nuclear programme chungchang ngaihtuaha meeting neih a duh a, mahse hetah hian North Korea ram telh a duh lo thung.

Ram paruk- North leh South Korea, China, US, Japan leh Russia-te chuan North Korea nuclear programme tihtawp dan tur ngaihtuahin six-party talk an nei ṭhin a, mahse an inbiakna hi hun eng emaw chen tihkhaihlak a ni tawh.

Park-i chuan six party talk aiah, North Korea tel loin five-party talk neih zawk a duh thu a sawi.

South Korea hian January 6-a North-in a ṭum li-na atana nuclear test a neih leh avangin NKorea hrekna thar siam turin a phut mek a ni.

United Nations Secu-rity Council-a NKorea hrekna tur resolution siam turin China din-hmun a pawimawh thu leh, NKorea-in nuclear ralthuam siam chu a hlawk loh zia a hriat theihna atana China-in awmze neia thil a tih ngei a beisei thu a sawi.