Russia-in Covid-19 vaccine hmasa ber pawm

Russia president Vladimir Putin chuan nimin khan thla hnih chhung mihringa enchhin a nih hnuah Covid-19 vaccine hmasa ber tur chu Russia sorkarin a pawm thu a sawi. A fanu pawhin vaccine hi a lak  nghal thu a sawi bawk. 

Putin chuan he vaccine hi Russia-a Gamaleya Institute siam niin, a him thu a a sawi.  Mipui nawlpui hman theih tura siam chhuah a nih thuai a beisei thu a sawi.  Hri pui a len hnuah Covid-19 vaccine siam tum hian ram leh pawl hrang hrangten hma an la mek a, vaccine siam mek hi 100 chuang an awm a ni. Heng zinga pali chu mihringa enchinna neiha a thawh tawpna ber, final phase neih mek an nih thu WHO data chuan a tarlang.

Nimin thleng khan khawvel pumah Covid-19 kai maktaduai 20 an chuang tawh a, hripui vanga thi mi 7,34,000 an tling tawh bawk. US chu hri kai tamna leh thihpui tamna ber ram a la ni chhunzawm zel a, Brazil, India, Russia, South Africa, Mexico, Peru, Colombia, Chile leh Spain-te chu hri kai tam zualna an ni.