China-in US official 11-te hrekna siam

China chuan Hong Kong chungchanga US nen an inkar boruak ṭha lo kal zelah America mi 11-te hrekna a siam. Heng mite hi China rama an bungrua leh an thil neihte chu khawih chet theih loin a hreksak a ni. Kar liam ta Zirtawpni khan US sorkar chuan Hong Kong-a zalenna leh mipui rorelna rahbeh sakah puhin Chinese official 11-te hrekna a siam a, an zingah hian Hong Kong chief executive Carrie Lam pawh a tel. 

Hei hi China chuan thung­rul ve nghalin, America mi 11-te hrekna tur hi a tichhuak ve nghal a, senator pahnih Marco Rubio leh Ted Cruz te pawh an tel a ni.  Anni bakah hian Congressman Chris Smith, Human Rights Watch executive director Kenneth Roth, National Endowment for Democracy president Carl Gershman leh Freedom House president Michael Abramowitz-te an tel bawk. 

"Dik lo taka Hong Kong laka US chetna avangin hetiang hian China sorkar chuan hma a lak ve mai a ngai a ni. Hong Kong laka US chetna hi thil dik lo leh tih dan phung ṭha lo tak a ni," tiin Zhao chuan hrekna an siam chungchang hi  a sawi.