US-ah vur thli tleh vangin mi 15 an thi

US khawchhak lam bialah vur thli na tak a tleh avangin mi 15 in nunna an chan a, mi nuai hnih chuang chu power supply nei loin an awm. Harsatna tawkte ṭanpui tur hian National Guard 2,200 tirh an ni.

Vur thli vang hian New York, Philadelphia, Washington leh Baltimore airport-ahte flight 4,400 chuang cancel a ni tawh bawk.

Vur thli na tak tleh hi 'Snowzilla' tiin a hming an vuah a, nimin khan Washington leh New York-ahte chuan fur feet hnih (centimeter 60) zeta chhahin a tla a ni.

Washington-ah chuan Inrinni leh Pathianni khan metro leh bus network-te khar vek a ni a, Philadelphia leh New Jersey-te pawhin Inrinni khan an khar bawk.

Vur tlak nasat avang hian kawngpuiah motor tam tak an tangkhang bawk. Red Cross chuan kawnglaka tangkhangte tawmhulna turte a siam a ni.