Nepal Parliament-in danpui siamṭhatna tur pawm

Nepal Parliament chuan an ram danpui siamṭhatna chu kar kalta Inrinni zan khan a pawm.

Parliament Speaker, Onsari Gharti Magar chuan Kathmandu-a session neihah Constitution first amendment chu an pawm thu a sawi.

Ram danpui siamṭhat thawh khatna-ah hian Article 42, 84 leh 286 te chu Madhe-si party-te thil phut zulzuiin siamṭhat a ni.

Session-ah vote lakah hian parlia-ment member 601 zingah mi 486 in danpui siamṭhatna hi an pawm a, mi pasarih chauhin an dodal thung. He danpui siamṭhatah hian government body-a Madhesi leh hnam hnuaihnung zawkte chanvo pawimawh zawk pekna turte telh a ni.

Hetihlai hian ram danpui siamṭhat phuttu, Madhesi party-te chu vote laknaah hian an tel lo a, an thil phut ber, provincial boundary siamṭhat chungchang telh a ni lo, an ti. Con-stitution Amendment Bill atana vote lak dawnah Madhesi party member-te chu house aṭangin an chhuak.

Madhesi party hrang hrangte hian United Demo-cratic Madhesi Front (UDMF) hnuaia ram danpui duh lohna an lantir chu chhunzawm zel an tum. Nawrh an huaihawtnaa buaina chhuak vangin mi 50 chuang leh, police 10 an thi tawh a ni.