Min kap mah ila voter ka hloh phah lo ang: Donald Trump

US Republican presiden-tial candidate nih tum zinga thawm na tak, Donald Trump chuan a khingpuite'n pawhthlak tuma an beihna chu a hneh tur thu sawiin, "New York Fifth Avenue-ah dingin mi pawh kap ila, voter ka hloh phah chuang lo ang," a ti.

Donald Trump hian Republican candidate chuh tum zingah boruak pawh a nei lian ber a, mahse Iowa-a nomination contest hmasa ber an neih hnuah state chanchinbu lian ber, Des Moines Register chuan Marco Rubo chu candidate tling tura a rin berah a dah a, Democratic lamah Hillary Clinton a thlang bawk.

Reuters-Ipsos in mipui ngaihdan a lak hnuhnung berah chuan Republican voter zingah New York billionaire leh reality TV star hlui, Trump hian thlawptu a la ngah ber a, 40.6% in an thlawp a ni.

CNN/ORC poll-ah pawh Trump hian 37% hmuin hma a hruai a, a dawttu Ted Cruz chuan 26% a hmu.