East Asia-ah khaw vawt vangin mi 50 an thi

Asia khawchhak lamah khaw vawtin zual lam a pan zel a, Taiwan-ah khaw vawt avangin mi 50 an thi tawh a, South Korea-ah vur a sur nasat avangin khualzin 60,000 an tangkhang mek bawk.

Taiwan-a khaw vawt vanga thi zinga a tam zawk hi kum upa lam a ni a, an ram hmarlam Taipei, Kaohsiung leh Taoyuan biala chengte an ni. Hongkong, China chhim leh Japan-ah pawh kum dang aiin khua a vawt a ni. Thuneitute chuan khaw vawh zual chhung chu mipui, a bikin kum upa lam chu pawn chhuak lo turin an ngen.

South Korea-a vur sur avangin Jeju island-a airport chu khar a ni a, nimin zing thleng khan khualzin tam tak an tangkhang mek a ni. Jeju island-ah hian vur tlak avangin domestic leh international flight 500 chuang cancel a ni tawh.

Jeju island-ah hian khawvawh lam hi -6∞C a tling a, kum sawm≠thum chhunga vur a sur nasat ber ṭum nia sawi a ni. Airport-te hi nizan aṭang khan hawn leh theih beisei an ni. Seoul khawpui pawh Pathianni khan kum 15 chhunga a vawh ber
ṭum niin, khawvawt lam hi -18∞C a ni.

Japan ramah pawh vur thli tleh avangin Pathianni leh nimin khan domestic flight 600 chuang cancel a ni bawk. Japan-ah hian vur thli tleh vangin mi panga an thi a, mi 100 chuangin hliam an tuar.