Muslim ram ṭhenkhatin Israel an pawm dawn

Israel foreign minister Eli Cohen chuan Muslim ram paruk/pasarih vel nen inlaichinna an siam tur thu leh, heng ramte hian Israel chu official-a an pawm thuai dawn thu a sawi.

UAE leh Bahrain chuan Abraham Accords ziakin, Israel ram nena an inzawmna hi an lo siam ṭha tawh a, kum 1079 khan Egypt chuan Israel hi peace deal lo ziahpui tawhin, kum 1994-ah Jordan ram pawhin a lo ziahpui tawh bawk. Anni bakah Saudi Arabia, Bangladesh, Sudan, Brunei, Somalia leh Morocco-te chuan Israel nena inzawmna ṭha siam turin hma an la mek nia sawi a ni.

Foreign Minister Cohen chuan official-a Israel ram pawm tum Muslim ram an awm hnem thu hi press conference-ah sawi chhuakin, an zingah hian Saudi Arabia pawh a tel nia rin a ni. Tun hnaiah Saudi Crown Prince leh prime minsiter Mohammed bin Salman chuan Israel nena inlaichinna ṭha siam tura hma an lak thu hi a lo sawi chhuak tawh a ni.

Israel ram hi kum 1948, May 14-a din a ni a, kum 1949 khan United Nations chuan full member state-ah a pawm. UN member ram 193 zingah 165 chuan Israel ram hi an pawmpui a ni. Hetih lai hian Arab ram 15-te erawh chuan an pawmsak ve lo.